ಮಾ.5: ಶಿವಮೊಗ್ಗದಲ್ಲಿ ವಿದ್ಯುತ್ ವ್ಯತ್ಯಯ
ಶಿವಮೊಗ್ಗ, ಮಾ.3 :
ನಗರದ ರಸ್ತೆ ಅಗಲೀಕರಣ ಕಾಮಗಾರಿ ನಿಮಿತ್ತ ವಿದ್ಯುತ್ ಕಂಬ ಸ್ಥಳಾಂತರ ಕಾರ್ಯವನ್ನು ಕೈಗೊಳ್ಳಲಾಗುತ್ತಿದ್ದು, ಈ ಕಾರ್ಯದಿಂದಾಗಿ ಕೆಲವೆಡೆಗಳಲ್ಲಿ ತಾತ್ಕಾಲಿಕವಾಗಿ ವಿದ್ಯುತ್ ವ್ಯತ್ಯಯ ಉಂಟಾಗಲಿದೆ.
ಎಲ್ಲಿ, ಯಾವಾಗ ವಿದ್ಯುತ್ ವ್ಯತ್ಯಯ?
ಎಂಆರ್ಎಸ್ (ಮೇನ್ ರಿಸೀವಿಂಗ್ ಸ್ಟೇಷನ್) ವಿದ್ಯುತ್ ವಿತರಣಾ ಕೇಂದ್ರದ ಪುರಲೆ ಫೀಡರ್-3 11 ಕೆವಿ ಮಾರ್ಗದ ತೆರವು ಕಾರ್ಯ ನಡೆಯುವ ಕಾರಣ ಮಾರ್ಚ್ 5 ರಂದು ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 5 ಗಂಟೆವರೆಗೆ ಈ ಮಾರ್ಗಕ್ಕೆ ಸಂಪರ್ಕ ಹೊಂದಿರುವ ಪ್ರದೇಶಗಳಲ್ಲಿ ವಿದ್ಯುತ್ ಪೂರೈಕೆಯಲ್ಲಿ ವ್ಯತ್ಯಯವಾಗಲಿದೆ.
ವಿದ್ಯುತ್ ವ್ಯತ್ಯಯ ಹೊಂದುವ ಪ್ರದೇಶಗಳು:
- ಗುರುಪುರ
- ಪುರಲೆ
- ಸುಬ್ಬಯ್ಯ ಆಸ್ಪತ್ರೆ ಪರಿಸರ
- ಮಂಜುನಾಥ ಬಡಾವಣೆ
- ವೆಂಕಟೇಶ ನಗರ
- ಹಸೂಡಿ ರಸ್ತೆ
- ಸುತ್ತಮುತ್ತಲಿನ ಬಡಾವಣೆಗಳು
ಗ್ರಾಹಕರಿಗೆ ಮನವಿ:
ಈ ಕಾಮಗಾರಿಯು ಸಾರ್ವಜನಿಕ ಹಿತದೃಷ್ಟಿಯಿಂದ ಕೈಗೊಳ್ಳಲಾಗಿದ್ದು, ತಾತ್ಕಾಲಿಕ ಅಸೌಕರ್ಯವನ್ನು ಗ್ರಾಹಕರು ಸಹನೆಯಿಂದ ಸ್ವೀಕರಿಸಬೇಕೆಂದು ನಗರ ಉಪವಿಭಾಗ-1 ಮೆಸ್ಕಾಂ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಮನವಿ ಮಾಡಿದ್ದಾರೆ.
ಮತ್ತಷ್ಟು ಮಾಹಿತಿ ಹಾಗೂ ತುರ್ತು ಸಹಾಯಕ್ಕೆ ಗ್ರಾಹಕರು ಮೆಸ್ಕಾಂ ಸಹಾಯವಾಣಿ ಸಂಖ್ಯೆ 1912 ಅಥವಾ ಸ್ಥಳೀಯ ಮೆಸ್ಕಾಂ ಕಚೇರಿಯನ್ನು ಸಂಪರ್ಕಿಸಬಹುದು.
ವರದಿ: ಡಿ.ಪಿ ಅರವಿಂದ್