"ದಾವಣಗೆರೆ ರಾಷ್ಟ್ರೀಯ ಸ್ವಯಂಸೇವಕ ಸಂಘದಲ್ಲಿ ದೇಶಭಕ್ತಿಯ ಸಂಭ್ರಮ: ಧ್ವಜಾರೋಹಣ ಕಾರ್ಯಕ್ರಮ"

 "ದಾವಣಗೆರೆ ರಾಷ್ಟ್ರೀಯ ಸ್ವಯಂಸೇವಕ ಸಂಘದಲ್ಲಿ ದೇಶಭಕ್ತಿಯ ಸಂಭ್ರಮ: ಧ್ವಜಾರೋಹಣ ಕಾರ್ಯಕ್ರಮ"‌

ದಾವಣಗೆರೆ, ಜನವರಿ 26:
ಗಣರಾಜ್ಯೋತ್ಸವದ ಅಂಗವಾಗಿ ದಾವಣಗೆರೆ ನಗರದ ಜಯನಿವಾಸ ಕಾರ್ಯಾಲಯದಲ್ಲಿ ಇಂದು ಬೆಳಿಗ್ಗೆ 8:30ಕ್ಕೆ ಧ್ವಜಾರೋಹಣ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು. ಹಿರಿಯ ವಕೀಲರಾದ ಜಯಕುಮಾರ್ ಅವರು ಧ್ವಜಾರೋಹಣ ನೆರವೇರಿಸಿ, ರಾಷ್ಟ್ರಭಕ್ತಿಯ ಸಂದೇಶ ನೀಡಿದರು.

ಈ ಸಮಾರಂಭದಲ್ಲಿ ಹಿಂದೂ ಜಾಗರಣ ವೇದಿಕೆಯ ದಕ್ಷಿಣ ಕ್ಷೇತ್ರೀಯ ಸಂಯೋಜಕರಾದ ಜಗದೀಶ್ ಕಾರಂತ್ ಪ್ರಮುಖ ಅತಿಥಿಗಳಾಗಿ ಭಾಗವಹಿಸಿ, ಸ್ವಯಂಸೇವಕರನ್ನು ಉತ್ಸಾಹಿತಗೊಳಿಸಿದರು. ರಾಷ್ಟ್ರೀಯ ಸ್ವಯಂಸೇವಕ ಸಂಘದ ದಾವಣಗೆರೆ ನಗರದ ಸ್ವಯಂಸೇವಕರು ಈ ಕಾರ್ಯಕ್ರಮದಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದರು.

ಧ್ವಜಾರೋಹಣ ಸಮಾರಂಭವು ದೇಶಭಕ್ತಿಯ ಭಾವನೆಗಳನ್ನು ಮೆಲುಕು ಹಾಕುವ ಮೂಲಕ, ಸ್ವಾತಂತ್ರ್ಯ ಹೋರಾಟದ ಯೋಧರ ಬಲಿದಾನವನ್ನು ಸ್ಮರಿಸಿ, ದೇಶದ ಅಭಿವೃದ್ಧಿಗೆ ಪ್ರತಿಯೊಬ್ಬ ನಾಗರೀಕರೂ ತನ್ನ ಪಾತ್ರವನ್ನು ನಿಭಾಯಿಸಬೇಕೆಂದು ಕರೆ ನೀಡಿತು.

ಕಾರ್ಯಕ್ರಮವು ಹರ್ಷೋಲ್ಲಾಸ ಹಾಗೂ ಶಿಸ್ತುಬದ್ಧತೆಯಿಂದ ನಡೆದಿದ್ದು, ದೇಶಪ್ರೇಮದ ವಾತಾವರಣದಲ್ಲಿ ಮುಕ್ತಾಯಗೊಂಡಿತು.

ವರದಿ: ಡಿ.ಪಿ ಅರವಿಂದ್