ಮಾ.22ಕ್ಕೆ ಕರ್ನಾಟಕ ಬಂದ್: ಪರೀಕ್ಷೆ ಮುಂದೂಡಿಕೆ ಸಾಧ್ಯವಿಲ್ಲ, 6 ವರ್ಷದ ನಿಯಮದಲ್ಲಿ ಸಡಿಲಿಕೆಯಿಲ್ಲ; ಸಚಿವ ಮಧು ಬಂಗಾರಪ್ಪ
ಪರೀಕ್ಷೆ ಮುಂದೂಡಿಕೆ ಇಲ್ಲ: ಮಾ.22 ರಂದು ಕರ್ನಾಟಕ ಬಂದ್ ಘೋಷಿತವಾಗಿದೆ. ಆದರೆ ವಿದ್ಯಾರ್ಥಿಗಳ ವಿದ್ಯಾಭ್ಯಾಸ ಹಿತದೃಷ್ಟಿಯಿಂದ ಪರೀಕ್ಷೆಗಳನ್ನು ಮುಂದೂಡಿಕೆ ಮಾಡುವ ಯಾವುದೇ ಅವಕಾಶವಿಲ್ಲ. ಮಕ್ಕಳ ಭವಿಷ್ಯ ಪರೀಕ್ಷೆಗಳಲ್ಲಿ ಅಡಕವಾಗಿದೆ. ಹೀಗಾಗಿ, ಪ್ರತಿಭಟನೆಗಾರರು ಸಹಕಾರ ನೀಡಬೇಕು ಎಂದು ಸಚಿವರು ಮನವಿ ಮಾಡಿದರು.
ಮಕ್ಕಳು ಗೊಂದಲಕ್ಕೊಳಗಾಗಬಾರದು. ಬಂದ್ನ ಕಾರಣದಿಂದ ಪರೀಕ್ಷೆ ನಡೆಯುತ್ತದೆಯೇ ಎಂಬ ಅನುಮಾನ ಬೇಡ. ಶೇಡ್ಯೂಲ್ ಪ್ರಕಾರವೇ 6, 7, 8, 9ನೇ ತರಗತಿ ಪರೀಕ್ಷೆಗಳು ನಡೆಯಲಿವೆ. ಪರೀಕ್ಷಾ ವೇಳಾಪಟ್ಟಿಯನ್ನು ಈಗಾಗಲೇ ಪ್ರಕಟಿಸಲಾಗಿದೆ. ಅದರಲ್ಲಿ ಯಾವುದೇ ಬದಲಾವಣೆ ಮಾಡುವುದು ಮಕ್ಕಳಿಗೆ ಅನ್ಯಾಯ ಎಂದು ಅವರು ಹೇಳಿದರು.
6 ವರ್ಷದ ನಿಯಮದಲ್ಲಿ ಸಡಿಲಿಕೆ ಇಲ್ಲ: 6 ವರ್ಷದ ನಿಯಮ ಸಂಬಂಧಿಸಿದಂತೆ ಮಾತನಾಡಿದ ಮಧು ಬಂಗಾರಪ್ಪ, ಈ ನಿಯಮದಲ್ಲಿ ಯಾವುದೇ ಸಡಿಲಿಕೆ ನೀಡಲಾಗದು ಎಂದು ತಿಳಿಸಿದ್ದಾರೆ. ಕೆಲವು ಪೋಷಕರು ಈ ನಿಯಮದ ವಿರುದ್ಧ ನ್ಯಾಯಾಲಯ ಮೊರೆ ಹೋಗಿದ್ದರು. ಆದರೆ ನ್ಯಾಯಾಲಯ ಅವರ ಅರ್ಜಿಯನ್ನು ವಜಾ ಮಾಡಿದೆ. ನಿಯಮವು ಎಲ್ಲರಿಗೂ ಸಮಾನವಾಗಿದ್ದು, ಕಾನೂನಿನ ಪ್ರಕಾರವೇ ಪಾಲನೆ ಮಾಡಬೇಕಾಗುತ್ತದೆ.
"ನಾವು 1-2 ತಿಂಗಳು ಕಡಿಮೆ ಇರುವವರನ್ನು ಪರಿಗಣಿಸಿದ್ದರೆ, ಇತರರು ಕೂಡಾ ಅರ್ಜಿ ಹಾಕುತ್ತಿದ್ದರು. ಹೀಗಾಗಿ, ಈ ನಿಯಮದಲ್ಲಿ ಯಾವುದೇ ಸಡಿಲಿಕೆ ಸಾಧ್ಯವಿಲ್ಲ" ಎಂದು ಸಚಿವರು ಹೇಳಿದರು.
ಸಾರಾಂಶ: ಕರ್ನಾಟಕ ಬಂದ್ ಸಂದರ್ಭದಲ್ಲಿ ವಿದ್ಯಾರ್ಥಿಗಳು ಗೊಂದಲಕ್ಕೊಳಗಾಗಬಾರದು. ಪರೀಕ್ಷೆಗಳು ನಿಗದಿಯಂತೆ ನಡೆಯುತ್ತವೆ. 6 ವರ್ಷದ ನಿಯಮಕ್ಕೆ ಯಾವುದೇ ಸಡಿಲಿಕೆ ನೀಡಲಾಗುವುದಿಲ್ಲ. ಎಲ್ಲಾ ನಿರ್ಧಾರಗಳು ಕಾನೂನು ಹಾಗೂ ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ತೆಗೆದುಕೊಳ್ಳಲಾಗುತ್ತದೆ.
ವರದಿ: ಡಿ.ಪಿ ಅರವಿಂದ್