ನೈಋತ್ಯ ರೈಲ್ವೆಯಿಂದ ರೈಲುಗಳ ಭಾಗಶಃ ರದ್ದು ಮತ್ತು ಮರುವೇಳಾಪಟ್ಟಿ

 ನೈಋತ್ಯ ರೈಲ್ವೆಯಿಂದ ರೈಲುಗಳ ಭಾಗಶಃ ರದ್ದು ಮತ್ತು ಮರುವೇಳಾಪಟ್ಟಿ‌

ಹುಬ್ಬಳ್ಳಿ, 20 ಜನವರಿ 2025:
ನೈಋತ್ಯ ರೈಲ್ವೆಯ ಅಧೀನದಲ್ಲಿ ಕಡೂರು ಮತ್ತು ಬೀರೂರು ನಿಲ್ದಾಣಗಳ ಯಾರ್ಡ್‌ಗಳಲ್ಲಿ ಸುರಕ್ಷತೆ ಕುರಿತ ನಿರ್ವಹಣಾ ಕಾಮಗಾರಿ ಕೈಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ, ಕೆಲವು ರೈಲುಗಳ ಸೇವೆಗಳಿಗೆ ತಾತ್ಕಾಲಿಕ ಬದಲಾವಣೆಗಳನ್ನು ಜಾರಿಗೆ ತರಲಾಗಿದೆ. ಈ ಬದಲಾವಣೆಗಳು ರೈಲುಗಳ ಭಾಗಶಃ ರದ್ದು ಮತ್ತು ಮರುವೇಳಾಪಟ್ಟಿ/ನಿಯಂತ್ರಣದ ರೂಪದಲ್ಲಿದ್ದು, ಪ್ರಯಾಣಿಕರಿಗೆ ಮುಂದಿನ ವಿವರಗಳನ್ನು ತಿಳಿಸಿದ್ದಾರೆ.

ರೈಲುಗಳ ಭಾಗಶಃ ರದ್ದು:

1. ಶಿವಮೊಗ್ಗ ಟೌನ್-ಚಿಕ್ಕಮಗಳೂರು ಡೈಲಿ ಪ್ಯಾಸೆಂಜರ್ (56271):
   • ತಾರೀಕು: 25 ಜನವರಿ ಮತ್ತು 1 ಫೆಬ್ರವರಿ 2025.
   • ಈ ರೈಲು ಬೀರೂರು ಮತ್ತು ಚಿಕ್ಕಮಗಳೂರು ನಿಲ್ದಾಣಗಳ ನಡುವಿನ ಸೇವೆಯನ್ನು ಸ್ಥಗಿತಗೊಳಿಸಲಿದೆ. ಈ ರೈಲು ಬೀರೂರಿನಲ್ಲಿ ಕೊನೆಗೊಳ್ಳಲಿದೆ.

ರೈಲುಗಳ ಮರುವೇಳಾಪಟ್ಟಿ/ನಿಯಂತ್ರಣ:

1. ಅರಸೀಕೆರೆ-ಎಸ್ಎಸ್ಎಸ್ ಹುಬ್ಬಳ್ಳಿ ಡೈಲಿ ಎಕ್ಸ್‌ಪ್ರೆಸ್ (16213):

   • ತಾರೀಕು: 21 ಜನವರಿ ಮತ್ತು 4 ಫೆಬ್ರವರಿ 2025.
   • ಈ ರೈಲು ಅರಸೀಕೆರೆಯಿಂದ 75 ನಿಮಿಷ ತಡವಾಗಿ ಹೊರಡಲಿದೆ.

2. ಎಸ್ಎಸ್ಎಸ್ ಹುಬ್ಬಳ್ಳಿ-ಸೋಲಾಪುರ ಡೈಲಿ ಪ್ಯಾಸೆಂಜರ್ (56906):

   • ತಾರೀಕು: 21 ಜನವರಿ ಮತ್ತು 4 ಫೆಬ್ರವರಿ 2025.
   • ಈ ರೈಲು ಹುಬ್ಬಳ್ಳಿಯಿಂದ 75 ನಿಮಿಷ ತಡವಾಗಿ ಹೊರಡಲಿದೆ.

3. ಎಸ್ಎಸ್ಎಸ್ ಹುಬ್ಬಳ್ಳಿ-ಅರಸೀಕೆರೆ ಡೈಲಿ ಎಕ್ಸ್‌ಪ್ರೆಸ್ (16214):

   • ತಾರೀಕು: 25 ಜನವರಿ ಮತ್ತು 1 ಫೆಬ್ರವರಿ 2025.
   • ಈ ರೈಲು ಹುಬ್ಬಳ್ಳಿಯಿಂದ 75 ನಿಮಿಷ ತಡವಾಗಿ ಹೊರಡಲಿದೆ. ರೈಲು ಮಾರ್ಗ ಮಧ್ಯದಲ್ಲಿ 60 ನಿಮಿಷ ನಿಯಂತ್ರಣವಾಗಲಿದೆ.

ಪ್ರಯಾಣಿಕರು ತಮ್ಮ ಪ್ರಯಾಣದ ಯೋಜನೆಗಾಗಿ ಈ ಬದಲಾವಣೆಗಳ ಬಗ್ಗೆ ಮುಂಚಿತವಾಗಿ ಗಮನಿಸಬೇಕಾಗಿದೆ. ರೈಲ್ವೆ ಇಲಾಖೆ ನಿಗದಿತ ಬದಲಾವಣೆಗಳಿಗೆ ವಿಷಾದ ವ್ಯಕ್ತಪಡಿಸುತ್ತಿದ್ದು, ಈ ತಾತ್ಕಾಲಿಕ ವ್ಯವಸ್ಥೆಗಳು ಸುರಕ್ಷತಾ ಕಾಮಗಾರಿ ಪೂರ್ಣಗೊಳ್ಳುವವರೆಗೆ ಮಾತ್ರ ಇರುವುದಾಗಿ ಸ್ಪಷ್ಟಪಡಿಸಿದೆ.

ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ:
ಡಾ. ಮಂಜುನಾಥ ಕನಮಡಿ
ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ
ನೈಋತ್ಯ ರೈಲ್ವೆ, ಹುಬ್ಬಳ್ಳಿ

ವರದಿ: ಡಿ.ಪಿ ಅರವಿಂದ್